Almennar fréttir
Framlög vegna átaka
08. júní 2022
Rauði krossinn hefur alls safnað tæpum 263 milljónum króna í tengslum við átökin í Úkraínu, þar af er framlag Marel 37 milljónir króna og utanríkisráðuneytið 70 milljónir króna.
Af söfnunarfénu hefur alls 191.100.000 verið ráðstafað til verkefna.
Þar af hafa 65 milljónir króna farið í hjálparstarf innan Úkraínu, 35 milljónir króna til aðstoðar úkraínsku flóttafólki í Úkraínu og 65 milljónir króna til hjálparstarfa sem sendifulltrúar Rauða krossins sinna bæði innan Úkraínu og í nágrannaríkjum. Þá hefur 25 milljónum króna verið ráðstafað og eyrnarmerktar til aðstoðar við flóttafólk á Íslandi.
Þeim fjármunum sem eftir eru verður ráðstafað eftir þörfum á næstunni en ljóst er að gríðarlega mikil uppbyggingin er framundan í Úkraínu og flóttafólki heldur því miður áfram að fjölga.
Afleiðingar átakanna í Úkraínu eru ekki aðeins miklar fyrir íbúa landsins heldur einnig gífurlegar um allan heim. Víðsvegar í Afríku hefur fæðuóöryggi verið mikið sl. ár vegna mikilla öfga í veðurfari; þurrka og flóða, með tilheyrandi uppskerubresti. Sum ríki Afríku reiða sig mjög á hveiti frá bæði Rússlandi og Úkraínu, líkt og til dæmis Sómalía og Eþíópía. Þá munu aðföng eins og matarolía, áburður og önnur tól til ræktunar hækka í verði með ófyrirséðum afleiðingum fyrir fólk. Einn af hverjum fjórum einstaklingum í Afríku býr við alvarlegt fæðuóöryggi, Sómalía rambar á barmi hungursneyðar og ástandið á „horni Afríku“ er grafalvarlegt.
Rauði krossinn mun héðan í frá útvíkka söfnun sína til verkefna sem tengjast afleiðingum átakanna ekki aðeins beint heldur einnig óbeint. Ljóst er að fæðuóöryggi í heiminum hefur viðamiklar afleiðingar fyrir öll, sérstaklega þau sem búa í fátækari ríkjum heims.
Fréttir af starfinu
Fréttayfirlit
Rauði krossinn fjölgar fatakössum á höfuðborgarsvæðinu
Almennar fréttir 18. nóvember 2025Nýjum söfnunarkössum Rauða krossins fyrir fatnað og annan textíl hefur verið komið fyrir við fimm Bónusverslanir á höfuðborgarsvæðinu. Samtals eru kassarnir því á sjö stöðum á svæðinu og stefnt er á frekari útbreiðslu á næstu misserum.
Samstaða sómalskra kvenna drifkraftur umbóta
Alþjóðastarf 06. nóvember 2025„Þrátt fyrir takmörkuð úrræði deila sómalskar konur þeirri öflugu hugsjón að konur séu konum bestar,“ segir Natalia Herrera Eslava, verkefnastjóri hjá Rauða krossinum á Íslandi. Starf sómalska Rauða hálfmánans, sem Rauði krossinn á Íslandi styrkir, er mikilvægara nú en nokkru sinni.
Auglýsing um sögu Rauða krossins tilnefnd til verðlauna
Almennar fréttir 05. nóvember 2025„Saga Rauða krossins á Íslandi er löng og litrík og við lögðum mikla vinnu í að fanga rétta tilfinningu,“ segir hönnunarstjóri Strik Studio um tilnefningu til verðlauna á einni stærstu hönnunarhátíð Evrópu.