Almennar fréttir
Frú Ragnheiður fékk styrk frá Sober Riders MC
17. janúar 2023
Frú Ragnheiður tók á móti 500.000 kr styrk frá bifhjólaklúbbnum Sober Riders MC á mánudag.
Á mánudag tók skaðaminnkunarverkefnið Frú Ragnheiður á móti 500.000 kr. styrk frá bifhjólaklúbbnum Sober Riders MC.
Sober Riders MC á Íslandi hefur árum saman haft þann sið á Þorláksmessu að vera á Laugaveginum og bjóða vegfarendum upp á gómsæta fiskisúpu, en klúbburinn kallar þennan viðburð Andskötusúpu. Súpan er ókeypis en frjáls framlög hafa runnið óskipt til góðgerðamála að þeirra vali.
Gegnum árin hefur klúbburinn gefið ágóðann til Stígamóta, Hugarfars, Umhyggju, Geðdeildar Landspítalans, SÁÁ og fleiri samtaka sem sinna góðum málefnum.
Í þetta sinn safnaði klúbburinn fyrir Frú Ragnheiði, skaðaminnkunarverkefni Rauða krossins. Afrakstur söfnunarinnar voru 500.000 krónur, sem renna óskiptar til verkefnisins.
Sober Riders MC er bifhjólaklúbbur sem er ekki rekinn í hagnaðarskyni en allir meðlimir hans eiga sögu um fíknisjúkdóm og bata eftir hann. Klúbburinn á Íslandi samanstendur af þremur deildum sem vinna sameiginlega að þessari söfnun; á Akureyri, á Reykjanesi og í Reykjavík. Klúbburinn vill styðja við og efla jákvæða ímynd bifhjólamanna og því láta meðlimir hans gott af sér leiða til samfélagsins.
Fréttir af starfinu
Fréttayfirlit
Rauði krossinn fjölgar fatakössum á höfuðborgarsvæðinu
Almennar fréttir 18. nóvember 2025Nýjum söfnunarkössum Rauða krossins fyrir fatnað og annan textíl hefur verið komið fyrir við fimm Bónusverslanir á höfuðborgarsvæðinu. Samtals eru kassarnir því á sjö stöðum á svæðinu og stefnt er á frekari útbreiðslu á næstu misserum.
Samstaða sómalskra kvenna drifkraftur umbóta
Alþjóðastarf 06. nóvember 2025„Þrátt fyrir takmörkuð úrræði deila sómalskar konur þeirri öflugu hugsjón að konur séu konum bestar,“ segir Natalia Herrera Eslava, verkefnastjóri hjá Rauða krossinum á Íslandi. Starf sómalska Rauða hálfmánans, sem Rauði krossinn á Íslandi styrkir, er mikilvægara nú en nokkru sinni.
Auglýsing um sögu Rauða krossins tilnefnd til verðlauna
Almennar fréttir 05. nóvember 2025„Saga Rauða krossins á Íslandi er löng og litrík og við lögðum mikla vinnu í að fanga rétta tilfinningu,“ segir hönnunarstjóri Strik Studio um tilnefningu til verðlauna á einni stærstu hönnunarhátíð Evrópu.