Almennar fréttir
Hvernig er hægt að ræða við börn um stríð?
03. mars 2022
Börn þurfa að vera í nálægð við fjölskyldu sína og vini á tímum sem geta valdið þeim vanlíðan og kvíða. Þau þurfa umhyggju og huggun, sum vilja faðmlag og önnur stuðning sem hentar þeirra aldri. Að vera til staðar og hlusta er mikilvægt þegar tilfinningarnar verða yfirþyrmandi.
Hvernig er hægt að ræða við börn um stríð?
Ef barnið býr fjarri nákomnum eða þekkir einhvern sem býr á eða við átakasvæði, er hægt að tala af stillingu um leiðir til að reyna að halda sambandi og hvernig hægt sé að styðja vin eða aðstandanda úr fjarlægð. Þau eru oft úrræðgóð og koma með sínar eigin hugmyndir. Að taka þátt í að styðja aðra getur hjálpað þeim að beina ótta sínum og áhyggjum í réttan farveg.
- HALTU RÓ ÞINNI
Talaðu af yfirvegun og reyndu að skapa öryggi. Reyndu að gæta þess að þínar áhyggjur auki ekki áhyggjur hjá börnunum.
Ræddu áhyggjur þínar varðandi stríðið við aðra fullorðna þar sem börn heyra ekki til.
- GEFÐU EINFÖLD SVÖR
Ef börn hafa áhyggjur og spyrja spurninga um það sem er að gerast þurfa þau einföld og markviss svör. Segið heiðarlega frá án þess að hræða þau með ítarlegum eða ógnvekjandi upplýsingum.
Gefið ykkur tíma til að útskýra ástandið fyrir þeim á þann hátt að það henti aldri þeirra og þroskastigi. Það er í lagi að segja „ég veit það ekki“ enda höfum við ekki öll svör.
- TAKMARKA TÍMA Á SAMFÉLAGSMIÐLUM
Í dag verða börn, jafnvel frá unga aldri, vitni að því að fjallað er um hrottaleg átök og stríð á þeim miðlum sem þau nota. Reynum að vernda þau gegn of miklu áreiti sem getur aukið á vanlíðan þeirra. Almennt er ágætt að miða við að takmarka t.d. þann tíma sem maður ver í að horfa á fréttir o.s.frv. við nokkur skipti á dag og taka sér alveg pásu frá miðlum fyrir svefn (á bæði við um börn og fullorðna).
- VERJIÐ TÍMA SAMAN
Takið frá tíma í að gera eitthvað sem börnunum finnst skemmtilegt, lesa, teikna eða hlusta á tónlist. Börn tjá sig gjarnan gegnum leik. Gott er að spyrjið þau sjálf hvað þeim finnst góðar aðferðir fyrir sig til að róa hugann. Munið að mikilvægt er að huga að eigin líðan til að geta verið til staðar fyrir börnin.
Fréttir af starfinu
Fréttayfirlit
Rauði krossinn fjölgar fatakössum á höfuðborgarsvæðinu
Almennar fréttir 18. nóvember 2025Nýjum söfnunarkössum Rauða krossins fyrir fatnað og annan textíl hefur verið komið fyrir við fimm Bónusverslanir á höfuðborgarsvæðinu. Samtals eru kassarnir því á sjö stöðum á svæðinu og stefnt er á frekari útbreiðslu á næstu misserum.
Samstaða sómalskra kvenna drifkraftur umbóta
Alþjóðastarf 06. nóvember 2025„Þrátt fyrir takmörkuð úrræði deila sómalskar konur þeirri öflugu hugsjón að konur séu konum bestar,“ segir Natalia Herrera Eslava, verkefnastjóri hjá Rauða krossinum á Íslandi. Starf sómalska Rauða hálfmánans, sem Rauði krossinn á Íslandi styrkir, er mikilvægara nú en nokkru sinni.
Auglýsing um sögu Rauða krossins tilnefnd til verðlauna
Almennar fréttir 05. nóvember 2025„Saga Rauða krossins á Íslandi er löng og litrík og við lögðum mikla vinnu í að fanga rétta tilfinningu,“ segir hönnunarstjóri Strik Studio um tilnefningu til verðlauna á einni stærstu hönnunarhátíð Evrópu.